Ara - أرى
إذاعة أرى مع مثايل هي مساحة صوتية للعودة إلى الذات بصدق ووعي عاطفي. تطرح أسئلة حقيقية وتفتح حوارات تقربنا من أنفسنا، وتبني علاقة أوضح مع الذات. البودكاست باللغة العربية ويقدمه مثايل آل علي.
Episodes
Where Do We Find Happiness? — وين نلاقي السعادة؟
في هالحلقة نرجع لفكرة بسيطة نسيناها مع الوقت: الفرح بدون هدف. الفرح اللي ما يحتاج يكون “مفيد”، ولا مرتبط بإنجاز، ولا لازم نبرره لأحد. بس يوم نختاره لنفسنا، نسأل فيه: شو الأشياء اللي كانت تفرّحني وأنا صغيرة؟ وشو الشي اللي أقدر أرجعه لحياتي اليوم؟نتكلم عن ذكريات الطفولة، عن المتعة البسيطة، وعن ليش أحيانًا حتى الفرح يي معاه شعور بالذنب أو العار. يمكن لأننا كبرنا وتعلمنا إن كل وقت لازم يكون له فائدة…
Why Journaling Helps — ليش نكتب او نفضفض؟
في هالحلقة نتكلم عن نوع من الكتابة ما هدفه التنظيم ولا الوصول لإجابة… هدفه بس التفريغ. كتابة بدون فلترة، بدون ترتيب، وبدون ما نحاول نخلي الكلام “مفهوم” أو “مرتب”. مجرد ورقة وقلم، ومساحة نطلع فيها زحمة الأفكار والمشاعر اللي قاعدة تتكدّس داخلنا قبل ما تتحول لثقل ما نعرف نفسّره.نتكلم عن الكتابة كطريقة نفهم فيها نفسنا أكثر، مو لأن كل شيء نكتبه لازم يكون مهم، لكن لأن أحيانًا التفريغ نفسه يوصلنا لمشاعر
Why Do We Need Emotions? (Part 2 — الجزء الثاني) شو فائدة المشاعر؟
في الجزء الثاني من هالحلقة، نكمل حديثنا عن المشاعر… مو كشي لازم نكتمه أو نبدّله، لكن كرسائل تحاول توصل لنا شيء عن نفسنا، عن احتياجاتنا، وعن الحدود اللي يمكن انكسرت أو انمسحت. لأن الشعور، مهما كان ثقيل أو مربك، مو موجود ضدنا… هو موجود عشان يوضح لنا، يوجّهنا، ويساعدنا نفهم أنفسنا بعمق أكثر.نتكلم في هالجزء عن معنى إننا نحترم مشاعرنا بدل ما نحاربها، وكيف تسمية الشعور وفهم رسالته ممكن يغيّر طريقة تعامل
Why Do We Need Emotions? (Part 1 — الجزء الأول) شو فائدة المشاعر؟
المشاعر مو دايم شي لازم نغيّره أو نهرب منه… أحيانًا تكون رسالة، بس إحنا ما تعلّمنا كيف نفهمها أو نسمّيها صح. مرات نقول “أنا حزينة”، لكن الحقيقة إن اللي داخلنا يمكن يكون غضب، خوف، توتر، أو شعور ما عرفنا نوصله بكلمة واضحة.في الجزء الأول من هالحلقة المكوّنة من جزئين، نتكلم عن علاقتنا بالمشاعر، ليش بعض الأحاسيس تربّينا على رفضها أو كبتها، وكيف ممكن فهم الشعور وتسميته يكون أول خطوة حقيقية للتعامل معه ب
Creative Rest — الراحة الإبداعية
كل شخص عنده هواية أو شغف، هو بطريقة أو بأخرى يعبّر عن الإبداع اللي داخله.في هالحلقة نكمل سلسلة أنواع الراحة السبع، ونتكلم عن الراحة الإبداعية (Creative Rest).هذا النوع من التعب يصير لما نحس إن أفكارنا خلصت، أو إننا صرنا نقلّد بدل ما نبتكر، أو لما نشوف إبداع غيرنا ونحس إننا “مو كفاية”. فجأة نبدأ نحس بذنب لو ما كنا منتجين أو مبدعين طول الوقت.بس الإبداع مو شيء نُجبر عليه… هو طاقة نرجع نغذيها.في هالحل
Social Rest — الراحة الإجتماعية
علاقاتنا الاجتماعية المبنية على المجاملات هي أكثر علاقات تستنزف طاقتنا بدون ما نحس.في هالحلقة نكمل سلسلة أنواع الراحة السبع، ونتكلم عن الراحة الاجتماعية (Social Rest).هذا النوع من التعب يصير لما نكون حول ناس، بس نحس إننا مجبورين نكون “موجودين”، نجامِل، نلبّي توقعات، أو نضغط على نفسنا عشان ما نخسر أحد… حتى لو هذا كله قاعد يخلّينا نطلع من اللقاءات مستنزفين بدل ما نطلع مرتاحين.أحيانًا العلامة تكون بس
Sensory Rest — الراحة الحسية
جسمنا، عقلنا، عيوننا، آذاننا… كلها تشتغل طول الوقت تستقبل وتشوف وتسمع وتحس.في هالحلقة نكمل سلسلة أنواع الراحة السبع، ونتكلم عن الراحة الحسية (Sensory Rest).هذا النوع من الراحة يصير لما نحس إن حواسنا “مليانة زيادة”… من الأصوات، الإضاءة، الزحمة، أو حتى كثرة التفاصيل اللي حولنا. فجأة نحس إن كل شيء صار عالي، ثقيل، أو overwhelming بدون سبب واضح.الراحة الحسية مو بس إننا نوقف الضوضاء، هي إننا نخفف المدخل
Emotional Rest — الراحة العاطفية
تعب الراحة العاطفية مو واضح دائمًا… بس تحسّينه لما تطلعين من عند ناس وإنتِ مستنزفة أكثر من قبل ما تقابلينهم، أو لما تحسين إنك دايم “تعدّلين” مشاعرك عشان تناسب اللي حولك.في هالحلقة نكمل سلسلة أنواع الراحة السبع، ونتكلم عن الراحة العاطفية (Emotional Rest).هذا النوع من التعب يصير لما نكبت مشاعرنا، أو نحس إن ما لنا مساحة نعبر، أو نكون دايم نحمل مشاعر غيرنا أكثر من مشاعرنا. ومع الوقت، هالشي ما يختفي… ي
Mental Rest — الراحة النفسية
عطي مخك وقت يرتب، بدل ما يظل يستقبل معلومات طول الوقت…في هالحلقة نفتح نوع من أنواع الراحة السبع: الراحة العقلية (Mental Rest). واللي كثير منا يفتقدها بدون ما ينتبه.مخنا أغلب الوقت يا يكون يحلّل، يا يستقبل، يا يخطط… لدرجة إنه ما ياخذ لحظة “يسكت” فيها. وحتى وقت الراحة، نلقاه نغرقه سكرول أو معلومات أو أفكار جديدة.بس متى آخر مرة عطينا فيها عقلنا فرصة يوقف فعلاً؟ بدون مدخلات، بدون تحليل، بدون “شو الخطو
Physical Rest — الراحة الجسدية
كان جسمي فعليًا يعطيني إشارات واضحة: “you cannot go”… بس إحنا أحيانًا نكمل ونقاوم لدرجة إن الجسم يوقفنا بنفسه.في هالحلقة نبدأ أول نوع من أنواع الراحة السبع: الراحة الجسدية، واللي كثير يختصرها بالنوم… مع إنها أوسع وأعمق من كذا.الراحة الجسدية نوعين: سلبية مثل النوم، وإيجابية مثل المساج، اليوغا، أو أي شيء يساعد الجسم يفك التوتر ويستعيد توازنه. وأحيانًا جسمنا ما يحتاج نوم… قد ما يحتاج “إننا نسمعه”.لما
The Art of Resting — أنواع الراحة
كان صعب علينا في جيلنا إننا نشوف “النساء المرتاحات”… لأننا تربّينا نشوف المرأة القوية، المثابرة، اللي دايم تعطي وتكمل بدون توقف.بس ليش الراحة عندنا صارت تعني كسل؟ وليش نحصرها في النوم فقط؟في هالحلقة نفتح فكرة أعمق عن “الراحة المقدّسة” وسبعة أنواع من الراحة اللي نحتاجها جسديًا ونفسيًا وعاطفيًا وروحيًا، وكيف ممكن نرجع نسمع احتياجنا الحقيقي بدل ما نعيش في تعب مستمر.هل الراحة ضعف… ولا أعمق شكل من أشكا
Trust — شو هي الثقة؟
لما تنكسر الثقة، السؤال الحقيقي: شو اللي انكسر؟ الشخص؟ الصورة اللي رسمناها عنه؟ ولا صورتنا إحنا عن نفسنا؟ الثقة مو فكرة بسيطة، هي إحساس، قرار، وتجربة نعيشها مع الناس ومع الحياة. أحيانًا نثق لأننا نحس بالأمان، وأحيانًا نتعلم الشك من نفس التجارب اللي علمتنا نثق.لكن الأهم من كل الأسئلة:لما الثقة تنكسر، هل نرجع نبنيها مثل قبل؟ ولا تتغير للأبد؟وممكن يكون أصعب سؤال: هل الثقة شجاعة… ولا غباء؟تابعونا على:
Boundaries (Part 2 — الجزء الثاني) حدودنا و مساحاتنا
هذي الحلقة هي الجزء الثاني من الحلقة ١٩. إذا ما سمعت الجزء الأول، يُنصح تبدأ منه أول — وتعود لهنا بعدين.في هالحلقة أشارك فكرة صارت تغيّر نظرتي لنفسي وللناس. بدأت أستوعب إن الإنسان مو شيء واحد ثابت، لكنه طبقات — كل طبقة لها احتياجها وصوتها وطريقتها في فهم الفرح والأمان والذات. إحنا كلنا مشاريع مستمرة، نتحرك بين ما نريده وما نكتشفه عن أنفسنا مع الوقت. إذا مرّ عليكم هذا الشعور، يمكن تلاقون هنا شيئاً
Boundaries (Part 1 — الجزء الأول) حدودنا و مساحاتنا
الحدود ما هي جدران نمنع فيها الناس، هي مثل حديقة نحميها ونعتني فيها. الفكرة إن الحدود مو عن التحكم بالناس أو معاقبتهم، بل عن ردّة فعلنا نحن لما أحد يتجاوز شي يهمّنا. كل ما كانت حدودك أوضح، كل ما صار عندك وعي أكثر بنفسك وبعلاقاتك. ومع الوقت تتعلم إن حماية نفسك تبدأ من وضوحك أنت، مو من تغيير الآخرين.تابعونا على: http://www.linktr.ee/arawithmthayel
Body Score — ذاكرة الجسد
في هالحلقة، أتكلم عن فكرة بسيطة غيّرت علاقتي مع جسمي: بدل ما أتحكم فيه، أتعلم أشتغل معه وأسمع له. من خلال لحظات هدوء وملاحظة، نكتشف إن الجسد عنده لغة وحكمة أعمق مما نتخيل، ويعطينا إشارات تساعدنا نفهم نفسنا بشكل أوضح.هالحلقة دعوة إننا نبطّئ شوي، نسمع لأجسادنا، ونبني علاقة أصدق معها.تابعونا على: http://www.linktr.ee/arawithmthayel
Cycle Syncing — مزامنة الدورة
في هذه الحلقة نتكلم عن مزامنة الدورة او Cycle Syncing وكيف غيّرت طريقتي في فهم نفسي وحياتي. أشارك كيف إن طاقتنا تتغيّر خلال الشهر بأربع مراحل تشبه فصول السنة، وكل مرحلة لها احتياج مختلف في الحركة، المشاعر، والتواصل. ومع الوقت بدأت أتعامل مع نفسي على هذا الأساس بدل ما أضغطها تكون نفس الشي كل يوم، وأفهم كيف أختار أسلوبي في الحياة حسب طاقتي في كل مرحلة.تابعونا على: http://www.linktr.ee/arawithmthayel
Intuition — الحدس
في هالحلقة، أتكلم عن الحدس، وعن ذاك الصوت الهادئ داخلنا اللي مرات نحسه قبل ما نفهمه. يمكن يكون إحساس يقول لنا لا تروحين لهالمكان، لا تثقين بهالشخص، أو حتى لا تاكلين هالأكلة، بدون سبب واضح.أشارك معاكم الفرق بين صوت الخوف وصوت الحدس، وكيف الحدس غالباً يكون هادئ، واضح، وواثق، بينما الخوف يكون مستعجل وعالي. وأتكلم عن كيف نقدر نقوي هذا الصوت داخلنا، ونبني ثقة أكبر في إحساسنا، لين يصير هو البوصلة اللي ت
Purpose (Ikigai — ايكيجاي) الغاية و الهدف
في هالحلقة، أتكلم عن فكرة “الهدف” في الحياة… أو الPurpose، وكيف كثير مننا يحاول يلقاه كأنه شيء كبير وواضح لازم نوصله. لكن يمكن الحقيقة أبسط من كذا.أشارك فكرة إن الهدف مو دائماً شيء نكتشفه مرة وحدة ونثبت عليه، لكنه شيء يتكوّن من الأشياء اللي تعطينا حياة يومنا، اللي تخلينا نحس إن في معنى، ولو بسيط. الأشياء اللي نحبها، نبدع فيها، ونحس إنها تقرّبنا من نفسنا أكثر.وأتكلم عن فكرة إننا نقدر نبدأ نلاحظ “إي
بصلة
في هالحلقة، أشارك معاكم فكرة صارت تغيّر نظرتي لنفسي وللناس من حولي. بدأت أستوعب إن الإنسان مو شيء واحد ثابت، لكنه طبقات، وكل طبقة لها احتياجها، وصوتها، وتغيّراتها، وعلاقاتها، وحتى طريقتها الخاصة في فهم الفرح، والأمان، والتوازن، والاقتراب من الذات. أتكلم معاكم عن كيف إحنا كلنا مشاريع مستمرة، في رحلة ما توقف، نتحرك فيها بين ما نريده، وما نفقده، وما نكتشفه عن أنفسنا مع الوقت. ومن يوم شفت نفسي بهالشك
نلاقي القيم
في هالحلقة، أشارك معاكم فكرة يمكن نعيشها كل يوم من غير ما ننتبه لها بوضوح. لكل واحد فينا قيم تمشيه في الحياة، بعضها واضح وقريب من القلب، وبعضها أعمق، مثل بوصلة صامتة تحدد وين نوقف ووين ما نقدر نتنازل. أتكلم معاكم عن القيم الأساسية اللي تشكل جوهرنا، والقيم الثانية اللي تكمل صورتنا، وعن الفرق بين الأشياء اللي نحبها فقط، والأشياء اللي نعطيها قيمة عالية لدرجة ما نقدر نساوم عليها. إذا قد حسّيتوا إن قرا
الصح والخطأ
في هالحلقة، أشارك معاكم تأملات عن سؤال يرافقنا من بدري من غير ما نحس. شنو يعني الصح، وشنو يعني الغلط؟ وهل نظرتنا لأنفسنا طالعة من داخلنا فعلاً، أو إنها أصوات قديمة تعلّمناها، ولبسناها، وصدقنا إنها حقيقتنا؟ أتكلم معاكم عن الأفكار اللي نورثها من بيئتنا وثقافتنا، وعن الأحكام اللي تنتقل بهدوء من جيل إلى جيل، لين تصير جزء من الطريقة اللي نحب فيها، ونخاف فيها، ونربّي فيها عيالنا. إذا قد مرّ عليكم شعور
ستة وتسعين
في هالحلقة، أشارك معاكم فكرة هادئة لكن عميقة. كثير من قراراتنا يمكن ما تنقاس بالمنطق فقط، لكن بالشيء اللي يرضي طفلنا الصغير في عمر الست سنوات، ويطمن النسخة البعيدة منّا في عمر التسعين. أتكلم معاكم عن هالمسافة بين البراءة والسكينة، بين الرغبة الأولى والرضا الأخير، وعن كيف يمكن لاختيار واحد أن يكون جسراً بين قلب كان يفرح بأبسط الأشياء، وقلب صار يبحث عن معنى يبقى. إذا مرّ عليكم هالسؤال من قبل، أو حسّ
شو هو الامان؟
في هالحلقة، أشارك معاكم سؤال بسيط شكله، لكنه عميق جداً من الداخل. شنو يعني الأمان؟ وين نحسّه؟ ومتى كانت آخر مرة حسّينا فيها إن قلبنا مرتاح، وإن أجسامنا ما فيها خوف ولا استعداد للهروب؟ أتكلم معاكم عن الأمان كإحساس، كمساحة، كحضن غير مرئي نرجع له لما يتعب فينا العالم، وعن اللحظات اللي نحس فيها إننا أخيراً مو مضطرين نشرح نفسنا أو نحميها طول الوقت. إذا هالسؤال مرّ عليكم من قبل، أو إذا كنتم تدورون على
متى نهرب؟
في هالحلقة، أشارك معاكم شعور يمكن كثير منّا يمر فيه من غير ما ينتبه له فوراً. شنو يصير فينا لما نعطي كثير، ونسمع كثير، ونحمل كثير، لين نحس إننا ابتعدنا عن نفسنا شوي شوي؟ أتكلم معاكم عن الاحتراق اللي يي من كثرة الأخذ والعطاء، وعن أهمية إن الواحد يلقى له مساحة صغيرة كل يوم، يهدأ فيها، يرجع لنفسه، ويرتب صوته الداخلي بعيد عن كل الضجيج. إذا حسّيتوا يوم إنكم محتاجين تهربون شوي، مو من الناس، لكن عشان تر
بدون دور
في هالحلقة، نفتح سؤال يمكن كلنا نحسه لكن نادراً نوقف عنده فعلاً. من نكون بعيداً عن الأدوار اللي نلبسها كل يوم، بعيداً عن المسمّيات، وعن البلد، وعن كل شيء تعوّدنا نعرّف نفسنا فيه؟ أشارك معاكم تأملات صادقة عن الهويات اللي نحملها مثل قبعات تتبدل، وعن الوجوه اللي نظهر فيها للناس، وعن المسافة الصغيرة بين من نكونه فعلاً ومن نظن أننا لازم نكونه. إذا سبق وسألت نفسك هذا السؤال، أو حسّيت إن داخلك شيء أكبر
الحب والخوف
في هالحلقة أشارك معاكم تأمل بسيط لكنه عميق عن مشاعرنا، وعن المسافة بين الحب والخوف. شلون أحيانًا نتحرك من مكان فيه انفتاح وطمأنينة، وأحيانًا من مكان فيه حماية وتوجّس، من غير ما ننتبه. بنتكلم عن هالطرفين كأنهم حالتين نرجع لهم في مواقفنا، في علاقاتنا، وفي نظرتنا لأنفسنا. وإذا كنتوا تحسون إن بعض ردودكم تطلع من خوف، وبعض لحظاتكم تفتح من حب، تعالوا اسمعوا هالحلقة… يمكن تساعدكم تشوفون مشاعركم بوضوح ووع
ورقة وقلم
في هالحلقة أشارك معاكم علاقتي مع الورقة والقلم… شلون لحظة فضفضة بسيطة تتحوّل لمساحة هادئة نسمع فيها نفسنا بوضوح. أتكلم عن فكرة “تفريغ” الأفكار، وكيف لما نسمح لها تنزل على الورق، العقل يهدأ شوي، وتبدأ تطلع لحظات فهم ما كنا منتبهين لها. مرات نكتب عشان نرتّب، ومرات نكتب عشان نتحرّر. إذا تحسين إن داخلك كلام متراكم ينتظر مساحة، تعالوا اسمعوا الحلقة… يمكن تكتشفون إن أقرب طريق لصوتكم، يبدأ بخط بسيط. تاب
شو هو التقبل؟
في هالحلقة نتأمل معنى التقبّل… مو كقرار نأخذه مرة وحدة، لكن كطريق نمشيه كل يوم. نتكلم عن الصورة اللي نحملها عن نفسنا، ونسأل: هل هي فعلًا لنا؟ ولا تشكّلت من عيون الناس حوالينا وكلماتهم؟ بنقرب من هالفكرة، ونحاول نفهم شنو يعني نرجع لأنفسنا بدون شروط، وشنو يعني نقبلها وهي تتغيّر وتتعلم وتكبر. إذا حسيتي إن هالسؤال يخصّج، تعالي اسمعي الحلقة يمكن تلاقين فيها مساحة أصدق.تابعونا على: http://www.linktr.ee/
الطريق لنفسك
في هالحلقة، بأخذكم وياي على “الطريق لنفسك”. مو كفكرة كبيرة، بس كإحساس بسيط تعرفينه لما تدخلين بيتج وتطيحين الحمل عن كتفج بدون ما تقولين شي. بنتكلم عن معنى إن النفس تصير مثل مكان مألوف، دافي، ما يحتاج تبرير ولا تمثيل. هل الرجوع لداخلج يقدر يكون بنفس راحة الرجوع لبيتج؟ وهل تقدرين تصيرين على طبيعتج مع نفسج مثل ما تكونين في زاوية تعرفج وتحبج؟ تعالوا نمشي هالطريق بهدوء… خطوة خطوة، لين يصير وجودج مع نف
معتقدات
في هالحلقة، بأشارك معاكم رحلة بسيطة بس عميقة عن “معتقدات”. شلون تتكوّن صورتنا عن نفسنا خطوة بخطوة، وشو اللي يكون طالع من داخلنا، وشو اللي نكون ماخذينه من الناس اللي حولنا من غير ما نحس. بنتكلم عن الأصوات اللي تربّينا عليها، والجمل اللي صارت تعريف لنا، وكيف نبدأ نميّز بين قناعاتنا وقناعات غيرنا. إذا تحسين إنك مرات تعيشين على “لازم” و “مفروض” أكثر من “أنا أبغي” و “أنا أحس”… تعالي اسمعي هالحلقة، يمكن
مرايا
في هالحلقة، بأخذكم في رحلة مختلفة مع “مرايا”. تخيلي كل شخص تمرين عليه في يومج يصير مثل انعكاس خفيف يوريج شي عن نفسج، من غير ما يقصد ومن غير ما تنتبهين. بنمشي مع بعض بين المواقف اللي ترفع ضغطج، واللحظات اللي تريحج، والأسئلة اللي تطلع فجأة من داخل. بشارككم شلون نقرأ هالانعكاسات بهدوء، شلون نفهم شو فينا ينجرح وشو فينا يلمع، وكيف نرجع لأنفسنا بوضوح أكثر وحنان أكبر. تابعونا على: http://www.linktr.ee/a
الطفل الداخلي
في داخلنا صوت صغير ما كبر بالكامل. ليس لأنه عالق، بل لأنه ما زال ينتظر أن نلتفت له بلطف. في هذه الحلقة نقترب من ذلك الأثر القديم مثل ضوء خافت خلف ستارة، مثل يدٍ تبحث عن يد، مثل بيتٍ نعرف طريقه دون خريطة. لا نُصلح شيئًا هنا، ولا نُعيد كتابة الماضي. فقط نترك مساحة لما كان يسكننا بصمت، كي يُرى أخيرًا، ويهدأ. تابعونا على: http://www.linktr.ee/arawithmthayel
البصر و البصيرة
في هالحلقة، بأخذكم في رحلة استثنائية عشتها في ظلام تام. تخيلوا تقضون 4 أيام كاملة في ملجأ الظلام - مغمضة عيوني ومفصولة تمامًا عن اني اشوف العالم الخارجي، بس عشان أسمع صوتي الداخلي وأصحّي حدسي. بشارككم كل لحظاتي، التحديات اللي واجهتها، واللحظات اللي عشتها. وبيكون في مفاجأة حلوة جداً (بس حق الحريم!)، بقولكم عليها ان شاء الله.
رحلة التجميد
في هالحلقة، أشارك معاكم رحلتي مع تجميد البويضات ـــ اقولكم عن كل خطوة من الخطوات العملية و النفسية، الفحوصات، الحقن ... بالإضافة إلى ذلك اشارك معاكم أهمية الدعم العاطفي و النفسي خلال هالتجربة. إذا كنت تفكرين في نفس الخطوة، تعالوا اسمعوا قصتي وتجربتي، يمكن تلاقون فيها بعض الأمل والإلهام!
توازن — (طاقة الانوثة و الذكورة)
في هذه الحلقة — أعرفكم على الطاقة الذكورة و الأنثوية التي تحكم جزء كبير من حياتنا و خياراتنا و شخصيتنا. نتكلم فيها عن التوازن بين هذه الطاقات و أستغلالها في طريقة إنتاجنا و تعرفنا على الأشياء من حولنا. هذه الحلقة سجلت بطريقة عفوية و أنثوية بشكل مطلق — أتمنى أنها تغرس فيكم فضول أعمق للتوازن الذي بداخلكم.
الكون مع ديباك شوبرا
This episode is near and dear to my heart — in it, I journey into a conversation with one of my all-time favorite writers: Deepak Chopra. After listening to it a hundred times, and learning something new each time — I wanted to share it with you in the hopes that you will find inspiration through your unique perspective.Disclaimer: This is not an informative podcast. It is about embracing wonderfu
صناديق داخلية
من فكرة ان الحياة تتطلب نسخ مختلفة منا عشان نتعامل مع الأشياء الي حولنا، يتني فكرة الصناديق الداخلية - و بديت اكتشف كل الاسرار الي احنا نحملها فينا و الي موجودة عشان تساعدنا على التغيير الي نريده في حياتنا. بنتكلم في الحلقة عن صندوق الغموض و المفاجآت و الذكريات و الكنز و كيف كل واحد منهم يحمل في طياته عوالم و أفكار تزيد من وعينا في ذاتنا و حبنا لها.هذا البودكاست انكتب من الجلسة الي القيتها في مهرج
فصول المرأة
ايماني ان افضل خبرة نتعلمها هي خبرتنا في ذاتنا — خلاني ابحث اكثر عن جسدي كمرأة و ادخل في عوالمه الفريدة من نوعها. في هالحلقة نتعمق في دورة الحيض عند المرأة و كل المراحل الي تمر فيها خلال ٢٨ يوم. كل فصل فيهم يدلنا على طاقاتنا الجبارة و السحرية في رحلة الحياة و كل جزء منها يدعم جزء مهم من حياتنا. تقديرنا لفصول المرأة مثل تقديرنا للطبيعة ، لها اسرار و في تجدد دائم يلهم كل شي في التوسع فيها و التعرف ع
تجربة تأمل
نرى أننا في أوقات تجبرنا على النظر الى دواخلنا و السعي على الوصول للقوة و الحقيقة في اعماقنا، فعندما نعطي خيالاتنا الفرصة في تخيل العالم كما نريد يتجلى في واقعنا بطريقة أجمل. أضع بين أيديكم أول تجربة تأمل موجه أقوم بها بطريقتي البسيطة للسعي اتجاه الأحلام و الحب الذي نريد أن ننشره في هذا العالم، مهما كان حجم الخذلان الذي نشعر به جميعاً. على أمل ، أن نتذكر ، اننا جميعاً نملك قوة عظيمة في قلوبنا بإمك
تكلم نفسك؟
قوة الكلمات هي قوة دائمة تحركنا و تغير أيامنا من الأفضل ، في هذه الحلقة جمعت لكم تأكيدات جميلة و خفيفة على روحكم نقدر نقولها مع بعض و نغير جودة الكلام الي نقوله حق نفسنا كل يوم.
الناس للناس
موضوع هذه الحلقة قريب من قلبي ، أسمعها وأراها من اللي حولي بشكل مستمر.الصحة النفسية موضوع يهم كل شخص، لكن الحين وصلنا لأسئلة أعمق من مجرد مدى أهميتها و صرنا ندور طرق نقدر أحنا نكون كلنا للناس. كما ذكرت في هالحلقة هذا هو رابط فريق مع الأمل بين أيديكم الآن:http://withhope.ae/en/seek-helpهاشتاق المشاركة : مثايل_ترى>>> شكراً عميقاً من القلب لكل من شاركني صوته و أفكاره في هذه الحلقة <<&l
طقوس
حلقة نتحدث فيها عن الطقوس التي تقربنا إلى انفسنا و كيف نستفيد منها - شاركوني بعض من طقوسكم على إنستغرام و تويتر ."This episode is sponsored by Rituals Cosmetics. Visit Rituals.me and discover all their collections and new launches of home, bath and body cosmetics. As a time for celebration Rituals’ gift sets make the perfect gift for Eid this year! Inspired by the wisdom and ancient tradition
رحلة كاليمنجارو
في محاولة لتوثيق رحلتي لتسلق جبل كاليمنجارو سجلت مقاطع صوتية مختلفة في ٦ ايام متتالية أعيشكم معاي فيها كل المشاعر و الأفكار الي مريت فيها / هنا لكم ٢٠ دقيقة مدهشة بقدر الدهشة الي كنت فيها في هذه التجربة
"تحرشوا فيني" - قصة ولد
هذه الحلقة تتبع الحلقة الأولى ، أرى* فيها إماراتي عشريني مر بتجربة تحرش و اغتصاب في صغره - قصته تخلينا نشوف بعد ثاني للمشكلة و حلولها ملاحظة : تم تغيير الصوت للمحافظة على هوية و خصوصية الضيفشكراً لمحمد على الجرأة و القوة الي فيه
" تحرشوا فيني "- قصة بنت
هذا الموضوع هو الي خلاني ابتدي اتكلم في بودكاست ، مب بس لأنه مهم بس لأنه اثر فيني و في غيري بطرق كثيرة جداً عشان جي قررت أني أرى* بنت و ولد إماراتيين في العشرينيات من عمرهم يتكلمون عن تجربتهم ، هاذي مب قصص نجاح هاذي بس قصص تحتاج نشوفها و نسمعها ملاحظة: تم تغيير الصوت للمحافظة على خصوصية و هوية الأشخاص ---للبنت : أنا فخورة فيج و انتي مب بروحجالولد : المقابلة بتنزل قريباًلأي شخص يحتاج مساعدة أو
ليش أرى ؟
* تسجيل صوتي لـ مثايل آل علي وهي تريد أن نبصر ما لا نرى *
